Rafaelo Lleshi, 18 vjeç, mbeti i plagosur me kaçavidë mbrëmjen e së hënës në Lezhë pas një konflikti që sipas policisë fsheh motive banale.

I riu u qëllua me 3 plumba në gjoks dhe 2 herë në qafë nga 21-vjeçari Xhovani Perlesi, i cili më pas u arrestua nga policia me akuzën e vrasjes së mbetur në tentativë.

Policia ka mundur të mësojë se 18-vjeçari kishte ngacmuar motrën e autorit, Perlesin dhe ky ka qenë shkaku i konfliktit që për pak sa nuk ka përfunduar në tragjedi.

Për shkak të plagëve të rënda, i riu Lleshi është transportuar me urgjencë në Spitalin e Traumës, ku i është nënshtruar një ndërhyrje kirurgjikale në mushkëri, të cilat i janë dëmtuar nga përplasja me kaçavidë.
Aktualisht, burime nga Trauma bëjnë me dije se ai është në gjendje stabile, por ende nuk konsiderohet jashtë rrezikut për jetën.

Babai i të riut, Ilirjan Lleshi, i cili tha jashtë kamerave se vetë Rafaelo, pasi u plagos, e telefonoi në telefon për t’i thënë se ishte i plagosur dhe nuk ishte në gjendje të mirë.

Sipas tij, familja nuk ka asnjë problem hasmërie, ndërsa policia apo hetuesit nuk janë vënë në dijeni për dinamikën e plagosjes së djalit, gjë që i riu u rezervua ta tregonte. Në spital kanë mbërritur hetuesit nga Lezha, të cilët kanë dhënë dëshminë e të plagosurve.

Një orë më pas një tjetër plagosje është shënuar në fshatin Fushë-Mamurras të Kurbinit. Një 35-vjeçar, i cili ndodhet tashmë në spitalin e Traumës, është goditur disa herë me thikë pranë banesës së tij nga persona ende të paidentifikuar.