Çdo vit, fansat presin me padurim zbulimin e dekorit të Krishtlindjeve të familjes Kardashian. Nga pemët e Krishtlindjeve të tepërta deri në tualetin e Kim-it, tek përdorimi i dekoreve dhe ngjyrave të forta nga Kendall, dekori i Kardashian duket se nuk zhgënjen kurrë. Këtë vit, dekorimet e Krishtlindjeve të Khloé Kardashian janë disa nga më të mirat që kemi parë, të paktën sipas interior designer-ave.
Për dekorin, Khloe ka zgjedhur drita të bardha të ngrohta dhe shumë gjelbërim. Pemët në çdo dhomë, kurorat dhe tavolina e ngrënies e zbukuruar me detaje, e kanë kthyer hapësirën e Khloé-s në një vend të çudirave mes nuancës jeshile dhe të bardhë. Pemët e thjeshta dhe elegante krijojnë ekuilibrin e përsosur midis dekorit modern dhe tradicional të festave të fundvitit duke krijuar një pamje mahnitëse dhe të përjetshme.
“Më pëlqen dekorimi minimalist. Është kaq elegant dhe krijon atë ndjenjën e ngrohtë, të qetë dhe luksoze në shtëpinë tuaj,” thotë Jennifer Ebert, një interior designer-e e njohur. Për dikë që është i/e interesuar të provojë dekorin modern pa u larguar shumë nga tradita, një pemë minimaliste është një opsion i shkëlqyer. Është njëkohësisht klasike dhe bashkëkohore.
Për të krijuar një stil të ngjashëm me atë të Khloé-s, ju mund të shmangni dekorimet e tepërta ose shumëngjyrëshe. Në vend të kësaj, zgjidhni një qasje më minimaliste, duke u fokusuar në disa detaje. Thjeshtësia shpesh mund të përcjellë elegancë.