Mediat italiane kanë publikuar detaje të reja nga vrasja Vanessa Ballan, italianes e cila dyshohet se u vra me thikë nga 41-vjecari nga Kosova, Bujar Fandaj.
Gazeta italiane Corriere della Sera ka nxjerrë pamjet e kamerave të sigurisë në të cilat duket 41-vjeçari pranë shtëpisë së viktimës të cilën e shantazhonte prej kohësh.
Në pamjet e kamerave shihet një burrë me veshje të ngjashme si i dyshuari Bujar Fandaj.
Fillimisht ai endet pranë shtëpisë së viktimës dhe më pas hedh një çantë e zezë brenda kopshtit dhe ngjitet mbi gardh. Në atë çantë, e cila u sekuestrua, ka mjete për vjedhje, përfshirë çekiçin e përdorur për të thyer dritaren dhe për të hyrë në shtëpinë e viktimës.
