Një 36-vjeçare është gjetur në një pellg gjaku brenda banesës së saj në Belgjikë, pasi u masakrua me thikë nga ish-partneri i saj.
Infermierja Veronique Nobus raportohet se është goditur mbi 200 herë me thikë nga 41-vjeçari Jurgen M.
Ajo i kishte dhënë fund marrëdhënies me ish-partnerin më shumë se një vit më parë, por duket se Jurgen nuk e kishte pranuar ndarjes.
Mbrëmjen e së dielës, rapotohet se ai e ka pritur në stadiumin e Club Brugge, ku 36-vjeçarja po ndiqte ndeshjen kundër Standardit.
Më vonë atë mbrëmje ai u shfaq përsëri në apartamentin e saj në Heist në mesnatë.
Fqinjët i panë të dy duke u grindur në rrugë dhe rreth orës 2 të mëngjesit dëgjuan një zhurmë të madhe.
Pas vrasjes, Jürgen M. raportohet se ka telefonuar vëllain e tij, i cili ka lajmëruar shërbimet e urgjencës.
41-vjeçari u arrestua nga policia pas krimit makabër. Jürgen M., mësohet se disa javë para vrasjes së Veronique kishte kërkuar të blinte një armë zjarri.
“Ai kishte 3000 euro në xhep për ta blerë”, ka deklaruar një dëshmitar.
Nuk dihen ende arsyet që kanë çuar 41-vjeçarin drejt kryerjes së këtij akti të rëndë dhe çfarë ka ndodhur në banesë natën e krimit.