Artan Abrashi, është deputet i kësaj legjislature në Grupin Parlamentar të Lëvizjes Vetëvendosje, të Albin Kurtit.
Këtë të fundit, deputeti që vjen nga Prizreni, e ka cilësuar si “BABAdimër”.
“Gëzuar”, shkruan ligjvënësi i Kuvendit, mbi fotografinë me ‘montazh’ të dobët, në të cilën shihet shefi tij më një kapele babadimri, e ku thuhet “e ka lëshu dorën BABAdimri”.
Këtë postim, Abrashi e ka bërë pasi Qeveria e Kosovës me në krye Albin Kurtin ka vendosur të ndajë nga 100 euro shtesë për pensionistët dhe të gjithë fëmijët.
Por duket, se deputeti i Kurtit, ka harruar se këto para kryeministri nuk i ka ndarë nga buxheti i tij personal, por nga paratë e taksapaguesve kosovarë, të cilët çdo ditë e mbushin buxhetin e shtetit të tyre.
