Një pikë karburanti, në Selitë të Tiranës, ka rënë pre e një grabitjeje dhe dhunë në orët e para të mëngjesit të së hënës.

Siç shihet dhe nga pamjet e publikuara nga policia e Tiranës, dy të rinj janë afruar në pikën e karburantit për të mbushur me naftë mjetin, kur në një moment njëri prej tyre ka dalë jashtë dhe ka grabitur me dhunë punonjësin.

Falë veprimeve intensive hetimore, janë arrestuar dy autorët e dyshuar.

Policia ka sekuestruar një mjet prerës thikë, një përforcues grushti, veshjet dhe automjeti që autorët e dyshuar kanë përdorur për të kryer krimin.

“Në këtë kuadër është finalizuar operacioni policor i koduar “Selita”, si rezultat i të cilit u bë identifikimi, kapja dhe arrestimi i dy autorëve të dyshuar, shtetasve: A. L., 22 vjeç dhe K. L., 21 vjeç, të dy banues në Tiranë.

Këta dy shtetas, në bashkëpunim me njëri-tjetrin, më datë 09.12.2023, rreth orës 01:40, janë afruar në një karburant në Selitë, dhe shtetasi A. L., ka zbritur nga automjeti. Shtetasi K. L. është afruar për të furnizuar automjetin me karburant, ndërsa shtetasi A. L. i ka vjedhur me dhunë punonjësit të karburantit, xhiron ditore”, thueht në njoftimin e policisë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme. /Telegrafi/

Video në Link

https://fb.watch/oSFjH9kVdt/?mibextid=Nif5oz